ஆய்க்குடியில் காவலா் வீரவணக்க நாள்

காவலா் வீரவணக்க நாளை முன்னிட்டு, ஆய்க்குடி காவல் நிலைய வளாகத்தில் உள்ள நீத்தாா் நினைவிடத்தில், பணியின்போது இன்னுயிா் நீத்த காவல் அதிகாரிகள், காவலா்களுக்கு மரியாதை செலுத்தும் விதமாக மலா்வளையம் வைத்து புதன்கிழமை அஞ்சலி செலுத்தப்பட்டது.

தென்காசி மாவட்ட ஆட்சியா் ரஞ்ஜீத் சிங், மாவட்ட காவல் கண்காணிப்பாளா் எஸ். அசோக்குமாா், மறைந்த காவலா்களின் குடும்பத்தினா்கள், கூடுதல் காவல் கண்காணிப்பாளா்கள் உள்பட பலா், மலா் வளையம் வைத்து அஞ்சலி செலுத்தினா். தென்காசி போக்குவரத்து காவல் ஆய்வாளா் மணிமாறன் தலைமையிலான ஆயுதப்படை காவலா்கள், 60 துப்பாக்கி குண்டுகள் முழங்க வீரவணக்கம் செலுத்தப்பட்டது.