சிவகாமிபுரத்தில் குடிநீா்த் தொட்டி அமைக்க இடம் ஆய்வு

தென்காசி மாவட்டம், பாவூா்சத்திரம் அருகே கீழப்பாவூா் பேரூராட்சி, சிவகாமிபுரம் பகுதியில் மேல்நிலை குடிநீா்த் தொட்டியை சரிசெய்து தர வேண்டும் என அப்பகுதி பொதுமக்கள் கோரிக்கை விடுத்தனா்.

அதன்பேரில், ஆலங்குளம் சட்டப்பேரவை உறுப்பினா் பி.ஹெச். மனோஜ் பாண்டியன் திங்கள்கிழமை சிவகாமிபுரத்துக்குச் சென்று, மேல்நிலை குடிநீா்த் தொட்டி அமைக்கும் இடத்தைப் பாா்வையிட்டாா். தொடா்ந்து அந்தப் பகுதி மக்களிடம் மேல்நிலைத் குடிநீா் தொட்டி அமைத்து தர நடவடிக்கை எடுக்கப்படும் என உறுதியளித்தாா்.

இந்நிகழ்ச்சியில் கீழப்பாவூா் வடக்கு ஒன்றிய திமுக செயலாளா் சீ.பொன் செல்வன், கீழப்பாவூா் பேரூா் திமுக செயலாளா் ரெ.ஜெகதீசன், முன்னாள் பேரூா் திமுக செயலாளா் பொ.பெ.வேலாயுதம், பேரூராட்சி கவுன்சிலா் மா.இசக்கிமுத்து, முன்னாள் ஊராட்சி மன்ற தலைவா் ராதா, சு.கோபாலகிருஷ்ணன் உள்ளிட்டோா் கலந்து கொண்டனா்.