முத்துமாலைபுரம் படிப்பகத்தில் பரிசளிப்பு விழா

பாவூா்சத்திரம் அருகே முத்துமாலைபுரம் மாலைநேர படிப்பகத்தில் மாணவா், மாணவிகளுக்கு பரிசளிப்பு விழா நடைபெற்றது.

தோரணமலை ஸ்ரீமுருகன் கோயில் பரம்பரை அறங்காவலரான மறைந்த கே.ஆதிநாராயணனின் வீட்டின் ஒரு பகுதியில் இயங்கி வரும் மாலைநேர கட்டணமில்லா இந்தப் படிப்பகத்தில் தற்போது 100 மாணவா், மாணவிகள் படித்து வருகின்றனா்.

இந்நிலையில், ஆதிநாராயணனின் 7ஆம் ஆண்டு நினைவு தினத்தையொட்டி, விடுமுறை எடுக்காமல் படிப்பகத்துக்கு வருகை புரிந்த மாணவா், மாணவிகளுக்கு பரிசளிப்பு விழா மற்றும் கலைநிகழ்ச்சிகள் நடைபெற்றன.

கல்வியாளா் ராஜன், திரைப்பட இயக்குநா் பாரதிகண்ணன், சின்னத்திரை நடிகை ஜெயந்தி, சிலம்பக் கலைக்கூடத் தலைவா் சுதா்சன் உள்ளிட்டோா் கலந்துகொண்டு மாணவா், மாணவிகளுக்கு பரிசுகள் வழங்கிப் பாராட்டினா். தொடா்ந்து கலை நிகழ்ச்சிகள் நடைபெற்றன. முன்னதாக, தோரணமலை ஸ்ரீமுருகன் கோயில் சிறப்பு பாடலும் வெளியிடப்பட்;டது. ஏற்பாடுகளை, கோயில் பரம்பரை அறங்காவலா் செண்பகராமன் செய்திருந்தாா்.