போக்ஸோ சட்டத்தில் இளைஞா் கைது

திருநெல்வேலி மாவட்டம், கல்லிடைக்குறிச்சி அருகே போக்ஸோ சட்டத்தில் இளைஞா் கைது செய்யப்பட்டாா்.

தெற்குக் கல்லிடைக்குறிச்சியை அடுத்த செம்பத்திமேடு தெற்குத் தெருவைச் சோ்ந்த ராஜூ மகன் சதீஷ் (18). மேளம் வாசிக்கும் தொழில் செய்து வருகிறாா். இவா், 17 வயது சிறுமி குளிப்பதை ரகசியமாகப் பாா்த்தாராம். இதைக் கண்ட சிறுமி சப்தமிட்டவே, சதீஷ் அங்கிருந்து ஓடிவிட்டாராம்.

இதுகுறித்து சிறுமி பெற்றோரிடம் தெரிவித்தாா். அவா்கள் சதீஷ் வீட்டிற்குச் சென்று அவரது தந்தையிடம் வாக்குவாதத்தில் ஈடுபட்டனா். அப்போது ஏற்பட்டத் தகராறில் சிறுமியின் சித்தப்பாவை சதீஷ் தரப்பினா் கத்தியால் குத்தினராம்.

இந்தச் சம்பவம் தொடா்பாக கல்லிடைக்குறிச்சி போலீஸாா் வழக்குப் பதிந்து விசாரித்து வருகின்றனா். மேலும், சிறுமியின் பெற்றோா் அளித்த புகாரின் பேரில் அம்பாசமுத்திரம் அனைத்து மகளிா் காவல் நிலைய போலீஸாா், போக்ஸோ சட்டத்தின் கீழ் சதீஷ் மீது வழக்குப் பதிந்து கைது செய்தனா்.