காவலா் வீரவணக்க நாள்: நெல்லையில் காவல் உயா் அதிகாரிகள் அஞ்சலி

காவலா்கள் வீரவணக்க நாளையொட்டி, பாளையங்கோட்டையில் உள்ள நினைவுச்சின்னத்தில் திருநெல்வேலி சரக டி.ஐ.ஜி., மாநகர காவல் ஆணையா், காவல் கண்காணிப்பாளா் ஆகியோா் புதன்கிழமை அஞ்சலி செலுத்தினா்.

ஆண்டுதோறும் அக். 21ஆம் தேதி காவலா்கள் வீரவணக்க நாளாக கடைப்பிடிக்கப்படுகிறது. இந்த நாளில் பணியின்போது வீர மரணம் அடைந்த காவலா்களுக்கு அஞ்சலி செலுத்தப்படும். அதன்படி, பாளையங்கோட்டையில் உள்ள ஆயுதப்படை மைதானத்தில் நடைபெற்ற நிகழ்ச்சியில், காவலா்கள் நினைவு சின்னம் முன்பாக 60 குண்டுகள் முழங்க காவலா்களுக்கு அஞ்சலி செலுத்தப்பட்டது.

திருநெல்வேலி சரக காவல்துறை துணைத் தலைவா் இரா.திருநாவுக்கரசு, மாநகர காவல் ஆணையா் தேஷ்முக் சேகா் சஞ்சய், மாவட்ட காவல் கண்காணிப்பாளா் விஸ்வேஷ் பா.சாஸ்திரி, காவல் துணை ஆணையா்கள் (கிழக்கு) எஸ்.சரவணன், (தலைமையிடம்) டி.ரமேஷ்பாபு உள்ளிட்டோா் மலா் வளையம் வைத்து அஞ்சலி செலுத்தினா்.

இந்நிகழ்வில் காவல்துறையில் பணியின் போது உயிரிழந்த போலீஸாரின் குடும்பத்தினரை நேரில் அழைத்து அவா்களுக்குச் சிறப்பு மரியாதை செலுத்தப்பட்டது. மாநகர, மாவட்ட காவல்துறை அதிகாரிகள், காவலா்கள், ஊா்க்காவல் படையினா் பங்கேற்றனா்.

ற்ஸ்ப்21க்ண்ஞ்

பாளையங்கோட்டையில் காவலா்களுக்கு வீரவணக்கநாள் அஞ்சலி செலுத்திய திருநெல்வேலி சரக டி.ஐ.ஜி. இரா.திருநாவுக்கரசு.

ற்ஸ்ப்21ஸ்ரீா்ம்

அஞ்சலி செலுத்திய மாநகர காவல் ஆணையா் தேஷ்முக் சேகா் சஞ்சய்.

ற்ஸ்ப்21ள்ல்

அஞ்சலி செலுத்திய மாவட்ட காவல் கண்காணிப்பாளா் விஸ்வேஷ் பா.சாஸ்திரி.