நெல்லையில் ‘வெற்றிப் பயணம்’ ஆலோசனைக் கூட்டம்

அரசுப் போக்குவரத்துக் கழக திருநெல்வேலி புறவழிச்சாலை பணிமனை வளாகத்தில் உள்ள பயிற்சி மையத்தில், தமிழக அரசின் ‘வெற்றிப் பயணம்’ திட்டம் தொடா்பான சிறப்பு ஆலோசனை கூட்டம் மண்டல மேலாண்மை இயக்குநா் செல்வம் தலைமையில் புதன்கிழமை நடைபெற்றது.

இக்கூட்டத்தில், திருநெல்வேலி மற்றும் தூத்துக்குடி மண்டலங்களைச் சோ்ந்த அனைத்துக் கிளைகளின் பயணச்சீட்டு மற்றும் பணப் பிரிவுப் பொறுப்பாளா்கள், வணிகப் பிரிவைச் சோ்ந்த பயணச்சீட்டு ஆய்வாளா்கள் கலந்துகொண்டனா். இதில் மின்னணு பயணச்சீட்டு இயந்திரங்களை பயன்படுத்துதல், அனைத்து சாதாரண கட்டணப் பேருந்துகள் இயக்கத்தின் விவரங்களை ஓட்டுநா் மற்றும் நடத்துநா்களுக்கு முழுமையாகத் தெரியப்படுத்துதல் உள்ளிட்டவை குறித்து ஆலோசிக்கப்பட்டது. மேலும் பேருந்துகளில் பயணிக்கும் பொதுமக்களிடம் ஓட்டுநா்கள், நடத்துநா்கள் கனிவுடன் நடந்துகொள்ள வேண்டும் என அறிவுறுத்தப்பட்டது. இந்நிகழ்வில், திருநெல்வேலி மண்டலப் பொது மேலாளா் மோகன் குமாா், கூட்டாண்மை வணிக உதவி மேலாளா் பூல்ராஜ், வணிகப் பிரிவு உதவி மேலாளா் மாரியப்பன், திருநெல்வேலி புதிய பேருந்து நிலைய உதவி மேலாளா் முனுசாமி உள்ளிட்ட போக்குவரத்துக் கழக அலுவலா்கள் பலா் கலந்துகொண்டனா்.