புகையிலை கடத்திய மூவா் கைது

ஆறுமுகனேரியில் புகையிலை கடத்திய 3 பேரை போலீஸாா் கைது செய்து, 24 கிலோ புகையிலைப் பொருள்களை பறிமுதல் செய்தனா்.

ஆறுமுகனேரி, சீனந்தோப்பு விலக்கு பகுதியில் காவல் உதவி ஆய்வாளா் சுந்தரம் தலைமையில் போலீஸாா் வாகனச் சோதனையில் ஈடுபட்டிருந்த போது இருசக்கர வாகனத்தில் வந்த 3 பேரை நிறுத்தி போலீஸாா் சோதனை செய்தனா்.

அவா்களிடம் இருந்த சாக்கு மூட்டையை சோதனை செய்ததில் புகையிலைப் பொருள்கள் இருந்தது தெரியவந்தது. விசாரணையில் மூவரும் அடைக்கலாபுரம் ஆரோக்கிய மாதா கோவில் தெரு தாமஸ் மகன் அண்டோ பிரஜீத் (32), அதே பகுதி தெற்கு தெரு பிச்சை நாடாா் மகன் ஜான்சன் (50), ஆறுமுகனேரி எஸ்.எஸ். கோயில் தெரு முனீஸ்வரன் மகன் நந்த கோபால் (29) என்பது தெரியவந்தது. அவா்களிடம் இருந்து மொத்தம் 23.625 கிலோ புகையிலைப் பொருள்களை பறிமுதல் செய்த போலீஸாா் மூவரையும் கைது செய்து திருச்செந்தூா் நீதிமன்றத்தில் முன்னிலைப்படுத்தி பாளையங்கோட்டை மத்திய சிறையில் அடைத்தனா்.

மேலும் இந்த வழக்கில் தலைமறைவான நாசரேத், வகுத்தான் குப்பத்தைச் சோ்ந்த தத்தேயு ராஜ், அடைக்கலாபுரம் தெற்கு தெரு அந்தோணி சிலுவை மகன் அருள்செல்வம் ஆகிய இருவரை போலீஸாா் தேடி வருகின்றனா்.