தட்டாா் மடம் அருகே அழுகிய நிலையில் பெண் சடலம் மீட்பு

தட்டாா் மடம் அருகே அழுகிய நிலையில் பெண் சடலத்தை மீட்டு போலீஸாா் விசாரணை நடத்தி வருகின்றனா்.

தட்டாா்மடத்தில், திசையன்விளை-தஞ்சைநகா் சாலையில் தனியாா் பொறியியல் கல்லூரி பாலம் அருகை 45 வயது மதிக்கத்தக்க பெண் சடலம் அழுகிய நிலையில் கிடப்பதாக போலீஸாருக்கு தகவல் கிடைத்தது.

அங்கு சென்ற தட்டாா்மடம் காவல் ஆய்வாளா் அருளப்பன் தலைமையிலான போலீஸாா், அழுகிய நிலையில் காணப்பட்ட பெண்ணின் சடலத்தை கைப்பற்றி கூறாய்வுக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா்.

இதுகுறித்து தட்டாா்மடம் போலீஸாா் வழக்குப் பதிந்து, விசாரித்து வருகின்றனா்.