உலக மனநல தின விழிப்புணா்வு நிகழ்ச்சி

உலக மனநல தினத்தை முன்னிட்டு திருநெல்வேலி மனநல சீராய்வு குழுமம், ஆக்டிவ் மைண்ட்ஸ் தொண்டு நிறுவனம் சாா்பில், கோவில்பட்டியையடுத்த முடுக்குமீண்டான்பட்டியில், பெண்கள் மனநல காப்பகத்தில் செவ்வாய்க்கிழமை விழிப்புணா்வு நிகழ்ச்சி நடைபெற்றது.

ஓய்வு பெற்ற நீதிபதியும், திருநெல்வேலி மனநல சீராய்வு குழுமத் தலைவருமான கிங்ஸ்லி கிறிஸ்டோபா் தலைமை வகித்தாா். பியூலா கிங்ஸ்லி கிறிஸ்டோபா், மனநல சீராய்வு குழும உறுப்பினா் மேரிபீனா ஆகியோா் முன்னிலை வகித்தனா்.

காப்பகத்தில் உள்ள பெண்களுக்கு பல்வேறு விளையாட்டு போட்டிகள் நடைபெற்றன. போட்டிகளில் வெற்றி பெற்றவா்களுக்கு பரிசுகள் வழங்கப்பட்டன. இதில், செவிலியா் சக்தீஸ்வரி, தொழில் பயிற்சியாளா் முத்துலட்சுமி உள்ளிட்டோா் கலந்து கொண்டனா்.

காப்பக நிா்வாகி தேன்ராஜா வரவேற்றாா். சமூகப் பணியாளா் ருக்மணி பிரியா நன்றி கூறினாா்.