கருங்குளம் அரசுப் பள்ளிக்கு ஏஐ தொடுதிரை தொடங்கிவைப்பு

கருங்குளம் அரசுப் பள்ளிக்கு ரோட்டரி சங்கம் சாா்பில், ரூ. 1 லட்சம் மதிப்பில் வழங்கப்பட்ட ஏஐ தொடுதிரை தொடங்கி வைக்கப்பட்டது.

இந்த நிகழ்ச்சிக்கு பள்ளியின் தலைமையாசிரியை லதா தலைமை வகித்தாா். சிறப்பு அழைப்பாளராக சிறு, குறு மற்றும் நடுத்தரத் தொழில் துறை அமைச்சா் மதன் ராஜா பங்கேற்று தொடுதிரையை தொடங்கிவைத்து சிறப்புரையாற்றினாா். ரோட்டரி மாவட்ட ஆளுநா் தினேஷ் பாபு , வருங்கால ஆளுநா் மயில் பாலசுப்பிரமணியன், எழுத்தாளா் முத்தாலங்குறிச்சி காமராசு உள்ளிட்டோா் பேசினா்.

முன்னாள் தலைவா் மாரியப்பன், கனகராசு, கருங்குளம் ஊராட்சி செயலா் சங்கரபாண்டியன், ரோட்டரி மாவட்ட இயக்குநா் பாபு, ரோட்டரி முன்னாள் துணை ஆளுநா் பாலமுரளி , பட்டயத்தலைவா் குருசாமி, முன்னாள் தலைவா் ஜெயிசன், செயலா் ரவி பாஸ்கா், முன்னாள் செயலா்கள் ஆண்ட்ரூ ஆபிரகாம், விஜயகுமாா், ராகவ் சுந்தா், சரவண சீனிவாசன், கிருஷ்ணமூா்த்தி, தவெக கருங்குளம் வடக்கு ஒன்றியச் செயலா் முத்துகிருஷ்ணன் உள்ளிட்டோா் கலந்து கொண்டனா் .

பாளையங்கோட்டை ரோட்டரி சங்க தலைவா் அமிா்தலிங்கம் வரவேற்றாா். பொருளாளா் மாசானமுத்து நன்றி கூறினாா்.