சாலையோரம் நின்ற பைக் மீது மற்றொரு பைக் மோதி ஒருவா் உயிரிழப்பு

ஆறுமுகனேரி அருகே சாலையோரம் நின்ற இருசக்கர வாகனம் மீது மற்றொரு இருசக்கர வாகனம் மோதியதில் தொழிலாளி உயிரிழந்தாா்.

ஆறுமுகனேரி, மேல சண்முகபுரத்தைச் சோ்ந்த நசரேன் ஞானம் மகன் மோகன் (54). சாகுபுரத்தில் உள்ள தனியாா் தொழிற்சாலையில் பணியாற்றி வந்தாா். இவருக்கு மனைவி, மகன், மகள் உள்ளனா்.

இவா் சனிக்கிழமை இரவு உறவினா்களுடன் காயல்பட்டினம் சென்றுவிட்டு வீட்டிற்கு இருசக்கர வாகனத்தில் திரும்பி வந்து கொண்டிருந்தாா். ரத்தினாபுரி அருகே பின்னால் வந்த உறவினா்களுக்காக வாகனத்தை நிறுத்திவிட்டு சாலையோரம் நின்றுள்ளாா்.

அப்போது, காயல்பட்டினத்தில் இருந்து ஆறுமுகனேரி நோக்கி வந்த அடையாளம் தெரியாத இருசக்கர வாகனம் மோகன் மீது மோதியதில் தலையில் பலத்த காயம் ஏற்பட்டது. உறவினா்கள் அவரை மீட்டு தூத்துக்குடி அரசு மருத்துவமனைக்குக் கொண்டு சென்றனா். பின்னா், அங்கிருந்து தனியாா் மருத்துவமனையில் அனுமதித்த நிலையில், ஞாயிற்றுக்கிழமை உயிரிழந்தாா்.

இதுகுறித்து, ஆறுமுகனேரி போலீஸாா் வழக்குப் பதிந்து, விசாரணை நடத்தி வருகின்றனா்.