சைக்கிள் திருடியவர் கைது

அரியலூர் மாவட்டம், ஜயங்கொண்டம் அருகே உள்ள இடையார் கிராமத்தைச் சேர்ந்த சின்னதம்பி மகன் ராமசாமி (85). இவர் சனிக்கிழமை மதியம் உடையார்பாளையம் கடைவீதி பகுதியில் உள்ள ஒரு கடை முன் தனது சைக்கிளை நிறுத்தி விட்டு டீ குடிக்கச் சென்றாராம்.

அப்போது, உடையார்பாளையம் வேலாயுதம் மகன் குருநாதன் (32) என்பவர் சைக்கிளைத் திருடிக் கொண்டு தப்பிச்செல்ல முயன்றுள்ளார்.  அதைக் கண்ட பொதுமக்கள் அவரைக் கையும்களவுமாகப் பிடித்து உடையார்பாளையம் காவல் நிலையத்தில் ஒப்படைத்தனர். காவல் உதவி ஆய்வாளர் சரவணன் வழக்கு பதிந்து குருநாதனை கைது செய்து விசாரிக்கின்றார்.