கல்லூரிப் பேருந்து, மினி பேருந்து மோதல்: 8 பேர் காயம்

குளித்தலையில் கல்லூரிப் பேருந்து மீது மினி பேருந்து மீது மோதியதில் மூன்று மாணவர்கள் உள்பட 8 பேர் காயமடைந்தனர்.

திருச்சி மாவட்டம், முசிறியில் இருந்து மாணவிகளை ஏற்றிக்கொண்டு தனியார் கல்லூரிப் பேருந்து குளித்தலை நோக்கி திங்கள்கிழமை காலை 9 மணியளவில் வந்து கொண்டிருந்தது. பேருந்து குளித்தலை தந்தை பெரியார் பாலம் அருகே

வந்தபோது பேருந்தின் பின்னால் வந்த மினி பேருந்து திடீரென தனியார் கல்லூரி பேருந்தின் பின்புறம் மோதியது. இந்த விபத்தில் மினி பேருந்தில் பயணம் செய்த முசிறி அரசு நடுநிலைப்பள்ளியை சேர்ந்த 3 மாணவர்கள் உள்பட 8 பேர் லேசான காயமடைந்தனர்.

இவர்கள் அனைவரும் குளித்தலை அரசு மருத்துவமனையில் முதலுதவி பெற்றுச் சென்றுவிட்டனர். கல்லூரிப் பேருந்தில் வந்தவர்களுக்கு எவ்வித காயமும் ஏற்படவில்லை.

இதுதொடர்பாக குளித்தலை போலீஸார் வழக்குப்பதிந்து விசாரித்து வருகின்றனர்.