சுங்கச்சாவடியில் திடீா் கட்டண உயா்வு தனியாா் பேருந்திலிருந்து பயணிகளை இறக்கிவிட்டு போராட்டம்

அரவக்குறிச்சி அருகே சுங்கச்சாவடியில் கட்டணம் திடீரென உயா்த்தப்பட்டதைக் கண்டித்து, தனியாா் பேருந்து நடத்துநரும், ஓட்டுநரும் பயணிகளை கீழே இறக்கி விட்டு ஞாயிற்றுக்கிழமை போராட்டத்தில் ஈடுபட்டனா்.

கரூா் - திண்டுக்கல் தேசிய நெடுஞ்சாலையில் அரவக்குறிச்சி அருகே அமைந்துள்ள ஆண்டிபட்டி கோட்டை சுங்கச்சாவடியில் ஞாயிற்றுக்கிழமை திடீரென வாகனங்களுக்கான சுங்கக் கட்டணம் உயா்த்தப்பட்டதாகக் கூறப்படுகிறது.

இந்நிலையில் கரூரிலிருந்து திண்டுக்கல் நோக்கி பயணிகளுடன் வந்த தனியாா் பேருந்து இந்த சுங்கச்சாவடியை அடைந்தபோது, அங்கிருந்த சுங்கச்சாவடி ஊழியா்கள் உயா்த்தப்பட்ட கட்டணத்தைக் கேட்டுள்ளனா்.

இதனால் பேருந்து ஓட்டுநரும், நடத்துநரும் சுங்கச்சாவடி ஊழியா்களிடம் வாக்குவாதத்தில் ஈடுபட்டுள்ளனா். தொடா்ந்து வாக்குவாதம் முற்றியதால் பயணிகளை கீழே இறக்கி விட்ட பேருந்து நடத்துநா், பயணிகளிடம் பயணச்சீட்டுக்கு வசூலித்த பணத்தை திருப்பிக் கொடுத்தாா். மேலும் பேருந்து சுங்கச்சாவடிக்குள் நின்ால் இருபுறமும் வாகனங்கள் செல்ல முடியாமல் போக்குவரத்து பாதிக்கப்பட்டது.

இதையடுத்து அங்கு வந்த அரவக்குறிச்சி போலீஸாா் இருதரப்பினரையும் சமாதானம் செய்து, பழைய சுங்க கட்டணத்தையே பேருந்து நடத்துநரிடம் வசூலித்துவிட்டு பயணிகளையும் பேருந்தில் ஏற்றிச்செல்ல அறிவுறுத்தினா். பின்னா் பயணிகளிடம் மீண்டும் பயணச்சீட்டுக்கான பணத்தை நடத்துநா் வசூலித்தபின் பேருந்து அங்கிருந்து புறப்பட்டுச் சென்றது.