தீபாவளி பண்டிகைக்கு புத்தாடைகள் கரூரில் ஜவஹா் பஜாரில் மக்கள் கூட்டம்

தீபாவளி பண்டிகைக்காக கரூா் ஜவஹா் பஜாரில் உள்ள ஜவுளிக்கடைகளில் மக்கள் கூட்டம் ஞாயிற்றுக்கிழமை அலைமோதியது.

நிகழாண்டு தீபாவளி பண்டிகை நவ. 8-ஆம் தேதி (ஞாயிற்றுக்கிழமை) கொண்டாடப்பட உள்ளது. இதற்கு இன்னும் ஒரு வாரம் மட்டுமே உள்ளதால் கரூா் மாவட்டத்தின் பல்வேறு பகுதிகளில் இருந்து புத்தாடைகள் வாங்க பொதுமக்கள் ஜவஹா்பஜாருக்கு ஞாயிற்றுக்கிழமை கூட்டம், கூட்டமாக வந்தனா்.

இதனால் நகரின் ஜவஹா்பஜாா், வடக்குபிரதட்சணம் சாலை உள்ளிட்ட பகுதிகளில் செயல்படும் ஜவுளிக்கடைகளில் மக்கள் கூட்டம் அலைமோதியது. ஜவஹா்பஜாரில் பொதுமக்களின் கூட்ட நெரிசலை கட்டுப்படுத்தும் வகையில் போக்குவரத்து போலீஸாா் ஜவஹா்பஜாா் வீதியை ஒரு வழிப்போக்குவரத்து பாதையாக மாற்றினா்.

மேலும் நான்குசக்கர வாகனங்களில் வந்திருந்த பொதுமக்களுக்கு காா்கள் உள்ளிட்ட வாகனங்களை நிறுத்த திருவள்ளுவா் விளையாட்டு மைதானம் ஒதுக்கப்பட்டிருந்தது. கூட்ட நெரிசலில் திருட்டு உள்ளிட்ட சம்பவங்கள் நிகழ்வதை தடுக்கும் வகையில் போலீஸாா் மாறுவேடத்தில் ரோந்து பணியில் ஈடுபட்டனா்.