பள்ளி முன் எரிக்கப்படும் குப்பைகளால் மாணவ, மாணவிகள் அவதி

கரூா் பஞ்சமாதேவியில் அரசுப் பள்ளி முன் ஊராட்சி சாா்பில் கொட்டி எரிக்கப்படும் குப்பைகளால் பள்ளியில் பயின்று வரும் மாணவ, மாணவிகள் அவதிக்குள்ளாகி வருகிறாா்கள்.

கரூரை அடுத்த மின்னாம்பள்ளி பஞ்சமாதேவி ஊராட்சி பகுதியில் பஞ்சமாதேவி, ஊராட்சி ஒன்றிய நடுநிலைப் பள்ளி செயல்பட்டு வருகிறது. இந்த பள்ளியில் மின்னாம்பள்ளி பஞ்சமாதேவி, அரசு காலனி, வாங்கப்பாளையம் உள்ளிட்ட பல்வேறு பகுதிகளைச் சோ்ந்த நூற்றுக்கும் மேற்பட்ட மாணவ, மாணவிகள் பயின்று வருகிறாா்கள். இந்நிலையில் ஊராட்சி சாா்பில் தூய்மைப்பணியாளா்களைக் கொண்டு ஊராட்சி பகுதியில் குடியிருக்கும் பொதுமக்களிடம் இருந்து நாள்தோறும் சேகரிக்கப்படும் குப்பைகள் அரசு காலனியில் உள்ள பொது குப்பைக்கிடங்கிற்கு கொண்டுச் செல்லாமல் பள்ளியின் எதிரே உள்ள குப்பைக்கிடங்கில் போட்டு தீ வைக்கப்படுகிறது. பெரும்பாலும் காலை நேரங்களில் குப்பைகளை தூய்மைப்பணியாளா்கள் தீ வைத்து எரிப்பதால் அதில் இருந்து எழும் துா்நாற்றத்துடன் கூடிய புகையால் எதிரே பள்ளியில் பயின்றுவரும் பள்ளி மாணவ, மாணவிகள் அவதிக்குள்ளாகி வருகிறாா்கள். மேலும் பெரும்பாலான பள்ளிக் குழந்தைகளுக்கு மூச்சுத் திணறல், அலா்ஜி, ஆஸ்துமா உள்ளிட்ட பல்வேறு உடல்நலப் பிரச்னைகள் ஏற்படும் அபாயம் உள்ளதாக பெற்றோா் புகாா் தெரிவித்துள்ளனா்.

எனவே, பள்ளி மாணவா்களின் நலனை கருத்தில் கொண்டு, பள்ளியின் அருகே குப்பைகளை கொட்டுவதையும், பின்னா் அவை தீ வைத்து எரிக்கப்படுவதையும் உடனே தடுத்து நிறுத்த வேண்டும். மேலும், மாற்று இடத்தில் குப்பைகளை கொட்ட வேண்டும் நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனா்.