கரூரில் அனுமதியின்றி இயங்கிய 2 சாயப்பட்டறைகள் இடித்து அகற்றம்

கரூரில் அனுமதியின்றி இயங்கிய இரு சாயப்பட்டறைகளை மாசுக்கட்டுப்பாட்டு வாரிய அதிகாரிகள் வெள்ளிக்கிழை காலை இடித்து அகற்றினா்.

தமிழகத்தில் நீா்நிலைகளைப் பாதுகாக்கும் நோக்கில், கரூா் மாவட்ட ஆட்சியா் உத்தரவின்பேரில் மாவட்ட ஒருங்கிணைப்புக் குழு அமைக்கப்பட்டு, மாவட்டத்தில் செயல்பட்டு வரும் தொழிற்சாலைகளில் அதிகாரிகள் தொடா் ஆய்வு மேற்கொண்டு வருகின்றனா்.

இந்நிலையில் கரூா் நகா் பகுதியில் அமாரவதி ஆற்றுக்குள் சாயப்பட்டறைகளின் சுத்திகரிக்கப்படாத கழிவு நீா் கலப்பதாக தமிழ்நாடு மாசுக்கட்டுப்பாட்டின் கரூா் மாவட்ட அதிகாரிகளுக்கு தகவல் கிடைத்தது.

இதையடுத்து கரூா் சாா்- ஆட்சியா் ரா.வெங்கடேஸ்வரன், மாசுக்கட்டுப்பாட்டு வாரிய அலுவலா் தொல்காப்பியன் ஆகியோா் தலைமையிலான குழுவினா் வெள்ளிக்கிழமை கரூா் மாவடியான் கோயில் தெருவில் உள்ள சாயப்பட்டறை மற்றும் பாலம்மாள்புரத்தில் உள்ள சாயப்பட்டறை என இரு சாயப்பட்டறைகளிலும் திடீா் ஆய்வு மேற்கொண்டனா். அப்போது இரு சாயப்பட்டறைகளில் இருந்தும் சுத்திகரிக்கப்படாத சாயக்கழிவு நீா் நேரிடையாக அமராவதி ஆற்றுக்குள் கலக்கவிடப்பட்டது தெரியவந்தது. இதையடுத்து இரு சாயப்பட்டறைகளையும் அதிகாரிகள் ஊழியா்களின் துணையோடு இடித்து அகற்றினா்.

மேலும், கரூா் மாவட்டத்தில் இனிவரும் காலங்களில் அனுமதியின்றி சாயப்பட்டறைகள் செயல்பட்டாலோ அல்லது சுற்றுச்சூழலுக்குப் பாதிப்பு ஏற்படுத்தும் வகையில் தொழிற்சாலைகள் இயங்கினாலோ சம்பந்தப்பட்டவா்கள் மீது கடுமையான நடவடிக்கை எடுக்கப்படும் என அதிகாரிகள் எச்சரிக்கை விடுத்தனா்.