வேப்பந்தட்டை அருகே கோயிலில் கொள்ளை முயற்சி

பெரம்பலூர் மாவட்டம், வேப்பந்தட்டை வட்டம், அன்னமங்கலம் கிராமத்தில் எசனை பிரிவு சாலை அருகே உள்ள முருகன் கோயிலில் வெள்ளிக்கிழமை இரவு பூட்டை உடைத்து உள்ளே சென்ற மர்ம நபர்கள், உண்டியலை பெயர்த்து எடுக்க முடியாமல் கொள்ளை முயற்சியைக் கைவிட்டு விட்டு சென்றுவிட்டனர்.

இந்நிலையில், சனிக்கிழமை காலை அவ்வழியே சென்ற பக்தர்கள் கோயில் பூட்டு உடைக்கப்பட்டிருப்பதைக் கண்டு அரும்பாவூர் போலீஸாருக்கு தகவல் அளித்தனர். சம்பவ இடத்தைப் பார்வையிட்ட அரும்பாவூர் போலீஸார் இதுகுறித்து வழக்குப்பதிந்து விசாரிக்கின்றனர்.