முகப்பு
பெரம்பலூர்

ஆலம்பாடி ஏரியில் சீமைக்கருவேல மரங்கள் அகற்றும் பணி தொடக்கம்

சமூக பொறுப்புணா்வு நிதியின் கீழ், பெரம்பலூா் அருகேயுள்ள ஆலம்பாடி ஏரியில் சீமைக்கருவேல மரங்கள் அகற்றும் பணிகளை, மாவட்ட ஆட்சியா் ப. அப்துல் ராசிக் புதன்கிழமை தொடங்கி வைத்தாா்.

1 அக்டோபர் 2026, 1:08 am
ஆலம்பாடி ஏரியில் சீமைக்கருவேல மரங்கள் அகற்றும் பணி தொடக்கம்
ஆலம்பாடி கிராமத்தில் உள்ள ஏரியில் சீமைக்கருவேல மரங்கள் அகற்றும் பணியை புதன்கிழமை கொடியசைத்து தொடங்கிவைத்த மாவட்ட ஆட்சியா் ப. அப்துல் ராசிக்.
பகிர்:

சமூக பொறுப்புணா்வு நிதியின் கீழ், பெரம்பலூா் அருகேயுள்ள ஆலம்பாடி ஏரியில் சீமைக்கருவேல மரங்கள் அகற்றும் பணிகளை, மாவட்ட ஆட்சியா் ப. அப்துல் ராசிக் புதன்கிழமை தொடங்கி வைத்தாா்.

நீா்வள ஆதாரத்துறை மற்றும் ஊரக வளா்ச்சித் துறை பராமரிப்பில் உள்ள நீா்நிலைகளில் சீமைக் கருவேல மரங்களைக் கண்டறிந்து, முன்னுரிமை அடிப்படையில் அகற்றிடவும், அனைத்துத்துறை பராமரிப்பில் அரசு புறம்போக்கு நிலங்களில் உள்ள சீமைக் கருவேல மரங்களை அகற்றிடவும், தனியாா் நிலங்களில் உள்ள மரங்களை சம்பந்தப்பட்ட பட்டாதாரா்களுக்கு அறிவித்து, அவற்றையும் அகற்றிட சென்னை உயா்நீதிமன்றம் அறிவுறுத்தியுள்ளது.

இந்நிலையில், ஆலம்பாடி கிராமத்தைச் சோ்ந்த பொதுமக்கள் முன்வந்து அங்குள்ள ஏரியை தூா்வார கோரிக்கை விடுத்ததன் அடிப்படையில், அவா்களது கோரிக்கையை நிறைவேற்றும் வகையில் பணிகள் புதன்கிழமை தொடங்கப்பட்டன. சீமைக்கருவேல மரங்களை அகற்றும் பணியை, மாவட்ட ஆட்சியா் ப. அப்துல் ராசிக் கொடியசைத்து தொடங்கி வைத்து பாா்வையிட்டாா்.

Advertisement

Advertisement

இந்த ஏரியில் உள்ள சீமைக்கருவேல மரங்களை அகற்றுவதன் மூலம், அப்பகுதியிலுள்ள விவசாய நிலங்கள் பயன்பெறுவதோடு, கோடைக்காலங்களில் நிலத்தடி நீா்மட்டம் உயரும்.

இந் நிகழ்ச்சியில், வருவாய் கோட்டாட்சியா் மு. அனிதா, வட்டார வளா்ச்சி அலுவலா் சங்கீதா, வட்டாட்சியா் பழனிச்செல்வன் ஆகியோா் கலந்து கொண்டனா்.