கார் மோதி விவசாயி சாவு

கந்தர்வகோட்டை அருகே   கார் மோதியதில் விவசாயி வெள்ளிக்கிழமை உயிரிழந்தார்.

கந்தர்வகோட்டை அருகே உள்ள சோழகம்பட்டி கிராமத்தைச் சேர்ந்தவர் முருகேசன் (47). இவர் வியாழக்கிழமை தனது

மோட்டார் சைக்கிளில் செங்கிப்பட்டியிலிருந்து சோழகம்பட்டிக்கு சென்று கொண்டிருந்தார். சோழகம்பட்டி அருகே சென்ற போது எதிரே வந்த கார் மோதியது. இதில் பலத்த காயமடைந்த முருகேசன் தஞ்சாவூர் அரசு மருத்துவக் கல்லூரி மருத்துவமனையில் அனுமதிக்கப்பட்டு அங்கு வெள்ளிக்கிழமை இறந்தார். இதுகுறித்து கந்தர்வகோட்டை போலீஸார்  விசாரணை செய்கின்றனர்.