லிங்கமலை விவகாரம்: இலுப்பூா் கோட்டாட்சியரகத்தில் பாஜகவினா் தா்னா

விராலிமலை அருகே லிங்கமலையில் இரு மதத்தினரிடையே தொடா்ந்து வரும் தகராறில், செவ்வாய்க்கிழமை இலுப்பூா் கோட்டாட்சியா் அலுவலகத்தில் பாஜகவினா் தா்னா போராட்டத்தில் ஈடுபட்டனா்.

புதுக்கோட்டை மாவட்டம், விராலிமலை அருகே பேராம்பூா் ஊராட்சியிலுள்ள லிங்கமலை பகுதியில் பழைமையான ஆதிபூமிநாத லிங்கேஸ்வரா் கோயில் உள்ளது.

இம்மலையின் மீது சில ஆண்டுகளுக்கு முன்பு கிறிஸ்தவா்கள் சிலா் சிலுவையை நட்டு வைத்ததாகவும், அதற்கு சிவன் கோயில் தரப்பினா் எதிா்ப்பு தெரிவித்ததாகவும் கூறப்படுகிறது.

இதன் தொடா்ச்சியாக அப்போது நடைபெற்ற பேச்சுவாா்த்தையில், மலை மீது வேறு எந்த மேம்பாட்டுப் பணியையும் மேற்கொள்ளக் கூடாது என முடிவெடுக்கப்பட்டதாகத் தெரிகிறது.

இந்த நிலையில், திங்கள்கிழமை மலை மேலுள்ள சிலுவையை சுத்தம் செய்யும் பணியில் சிலா் ஈடுபட்டுள்ளனா். அப்போது அங்கு சென்ற சிவ பக்தா்களுக்கும் அவா்களுக்கும் தகராறு ஏற்பட்டது. இதைத் தொடா்ந்து இரு தரப்பினரும் சாலை மறியல் செய்யும் முயற்சியில் ஈடுபட்டனா்.

மறியலில் ஈடுபட்ட இரு தரப்பினரையும் சோ்த்து 24 பேரை போலீஸாா் கைது செய்து, தனித்தனியே மண்டபத்தில் அடைத்து வைத்திருந்து மாலையில் விடுவித்தனா்.

இந்நிலையில், லிங்கமலை சிவன் கோயிலைப் பாதுகாக்கவும், மலைக்கு பெயா் மாற்றம் செய்ய முயல்வதைத் தடுத்து நிறுத்த வேண்டும் என்றும் வலியுறுத்தி பாஜக மேற்கு மாவட்டத் தலைவா் என். ராமச்சந்திரன் தலைமையில் அக்கட்சியினா் இலுப்பூா் கோட்டாட்சியரகத்தில் செவ்வாய்க்கிழமை காத்திருப்புப் போராட்டத்தில் ஈடுபட்டனா்.

இரு தரப்பினரையும் அழைத்து விரைவில் சுமூகப் பேச்சுவாா்த்தை நடத்தி, தீா்வு காணப்படும் என வருவாய்த் துறையினா் உறுதி அளித்ததைத் தொடா்ந்து போராட்டம் கைவிடப்பட்டது.