நல்லாசிரியர் விருது பெற்ற தலைமையாசிரியைக்குப் பாராட்டு

பாபநாசம் வட்டம் தேவராயன்பேட்டையில் உள்ள அரசு உதவி பெறும் தொடக்கப்பள்ளியில் தமிழக நல்லாசிரியர் விருது பெற்ற அப்பள்ளியின் தலைமையாசிரியைக்கு சனிக்கிழமை பாராட்டு விழா நடைபெற்றது.

விழாவுக்கு அம்மாபேட்டை ஒன்றியக் குழுத் தலைவர் ஏ.வி. சூரியநாராயணன் தலைமை வகித்தார். விழாவில் பாபநாசம் எம்எல்ஏ இரா. துரைக்கண்ணு கலந்து கொண்டு பள்ளி தலைமை ஆசிரியை பூங்கோதை நடராஜனுக்கு சால்வை அணிவித்து பாராட்டிப் பேசினார். ஊராட்சித் தலைவர் அம்பிகா சாமிநாதன், நடராஜன், சிட்டி யூனியன் வங்கி முன்னாள் கிளை மேலாளர் ஜி. கிருஷ்ணமூர்த்தி, உடற்கல்வி ஆசிரியர் பாலசுப்ரமணியன், லயன்ஸ் சுப்புராமன் உள்ளிட்டோர் பங்கேற்றனர்.