சுவாமிமலையில்  ஆடி கிருத்திகை விழா

சுவாமிமலை சுவாமிநாத சுவாமி கோயிலில் ஞாயிற்றுக்கிழமை ஆடிக் கிருத்திகை விழா சிறப்பாக நடைபெற்றது.
முருகப் பெருமானின் ஆறுபடை வீடுகளுள் நான்காவது படை வீடாக அமைந்திருப்பது சுவாமிமலை சுவாமிநாத சுவாமி கோயில் ஆகும். இக்கோயிலில் ஆண்டுதோறும் ஆடிக் கிருத்திகை விழா சிறப்பாக நடைபெறுவது வழக்கம்.  இதன்படி, ஞாயிற்றுக்கிழமை ஆடிக் 
கிருத்திகை விழா கொண்டாடப்பட்டது.  இதையொட்டி சுவாமி, அம்பாளுக்கு சிறப்பு அபிஷேகமும்,  சிறப்பலங்காரமும் செய்விக்கப்பட்டது. தொடர்ந்து மங்கள வாத்தியங்கள் முழங்க ஆராதனையும் நடைபெற்றது. இதில் இதில் ஏராளமான பக்தர்கள் பங்கேற்று, சுவாமி தரிசனம் செய்தனர்.