பாலியல் வழக்கில் தொடா்புடைய இருவா் குண்டா் சட்டத்தில் கைது

சேதுபாவாசத்திரம் அருகே சிறுமியை கூட்டு பாலியல் வன்கொடுமை செய்த வழக்கில் கைது செய்யப்பட்ட 2 போ் மீது குண்டா் தடுப்பு சட்டத்தில் புதன்கிழமை நடவடிக்கை மேற்கொள்ளப்பட்டது.

சேதுபாவாசத்திரம் அருகே விளங்குளம் பகுதியில் செப்.1-ஆம் தேதி 15 வயது சிறுமியை கூட்டு பாலியல் வன்கொடுமை செய்த வழக்கில் 2 சிறுவா்கள் உள்பட 5 போ் கைது செய்யப்பட்டனா்.

இவா்களில் புதுக்கோட்டை மாவட்டம், மணமேல்குடியை சோ்ந்த சந்தோஷ் (24), பேராவூரணி அருகே உள்ள அடைக்கத்தேவனை சோ்ந்த அரவிந்த் (20) ஆகியோா் மீது குண்டா் தடுப்பு சட்டத்தில் நடவடிக்கை எடுக்க வலியுறுத்தி, பட்டுக்கோட்டை காவல் துணை கண்காணிப்பாளா் அங்கிதா அறிக்கை அளித்ததன்பேரில்

மாவட்ட காவல் கண்காணிப்பாளா் ஏ. சுந்தரவதனம் பரிந்துரையில், மாவட்ட ஆட்சியா் இரா. ரேவதி உத்தரவின்படி மேற்கண்ட இருவரும் குண்டா் தடுப்புச் சட்டத்தின் கீழ் சிறையில் அடைக்கப்பட்டனா்.