ஜீப் ஓட்டுநர் பணிக்கு விண்ணப்பிக்கலாம்

மணப்பாறை ஊராட்சி ஒன்றியத்தில் காலியாக உள்ள ஜீப் ஓட்டுநர் பணிக்கு தகுதியானோர் விண்ணப்பிக்கலாம் என மாவட்ட நிர்வாகத்தின் செய்திக் குறிப்பில் தெரிவிக்கப்பட்டுள்ளது.

இப்பணியிட நியமனத்துக்கு சாதிவாரி சுழற்சி முறை கடைபிடிக்கப்படும். ஆதிதிராவிடர், அருந்ததியினர் பிரிவினருக்கு முன்னுரிமை. 18 முதல் 40 வயதுக்குள்பட்ட, 8-ம் வகுப்பு தேர்ச்சி பெற்றவர்கள், கல்வித் தகுதி மற்றும் பணி அனுபவ சான்று நகல்களை சுயசான்றொப்பமிட்டு இணைத்து, செப். 23-ம் தேதிக்குள் கிடைக்குமாறு ஆணையர், மணப்பாறை ஊராட்சி ஒன்றியம், மணப்பாறை என்ற முகவரிக்கு விண்ணப்பிக்கலாம்.