மணப்பாறை அருகே கதண்டு கடித்து 8 பேர் காயம்

மணப்பாறை அருகே கதண்டு கடித்ததில் காயமடைந்த 8 பேர் மருத்துவமனையில் அனுமதிக்கப்பட்டனர்.
திருச்சி மாவட்டம், மணப்பாறையை அடுத்த மாணிக்கம்பிள்ளை சத்திரம் கிராமத்தில் பிடாரி அம்மன் கோயில் திருவிழா ஞாயிற்றுக்கிழமை நடைபெற்றது. அப்போது, கோயில் அருகே இருந்த மரத்தில் இருந்த கதண்டுகள் திருவிழாவுக்கு வந்திருந்த கிராம மக்கள் மீது கொட்டியது. 
இதில், மேட்டுப்பட்டியைச் சேர்ந்த ஆராயி, அன்னப்பொட்டு, பாப்பு மற்றும் 5 ஆண்கள் காயமடைந்தனர். இவர்கள் அனைவரும் மணப்பாறை அரசு மருத்துமனையில் சிகிச்சை அளிக்கப்பட்டது. இதில் கிருஷ்ணமூர்த்தி மேல் சிகிச்சைக்காக திருச்சி அரசு மருத்துவமனைக்கு அனுப்பி வைக்கப்பட்டார்.