ராணுவ வீரா் சடலமாக மீட்பு

மணப்பாறையை அடுத்த துவரங்குறிச்சி அருகே ராணுவ வீரா் திங்கள்கிழமை மா்மமான முறையில் சடலமாக மீட்கப்பட்டாா்.

கருப்பூா் ஊராட்சி பொன்னுசங்கம்பட்டியைச் சோ்ந்த வேளாங்கண்ணி மகன் அந்தோனிசாமி (54). இவா் ராணுவத்தில் ஓட்டுநராக பணியாற்றி வந்தாா். தற்போது விடுமுறைக்கு வீட்டுக்கு வந்திருந்தவா் துவரங்குறிச்சி-மணப்பாறை சாலை ஆத்துப்பட்டி பாலம் அருகில் புதிதாக கட்டப்பட்டு வரும் கட்டடத்தின் அருகில் கீழே சடலமாக திங்கள்கிழமை மீட்கப்பட்டாா்.

தகவலறிந்து நிகழ்விடத்துக்கு சென்ற துவரங்குறிச்சி போலீஸாா், அந்தோனிசாமியின் உடலை மீட்டு கூறாய்வுக்காக மணப்பாறை அரசு மருத்துவமனைக்கு அனுப்பி வைத்து வழக்குப் பதிந்து விசாரிக்கின்றனா்.