பிடாரி மதுரகாளியம்மன் கோயில் திருத்தோ் வீதியுலா

திருச்சி மாவட்டம், காட்டுப்புத்தூரிலுள்ள ஸ்ரீ பிடாரி மதுரகாளியம்மன் கோயில் திருத்தோ் திருவீதியுலா வியாழக்கிழமை நடைபெற்றது.

இதையொட்டி, அலங்கரிக்கப்பட்ட திருத்தேரில் அம்மனை வைத்து கோயிலிலிருந்து பக்தா்கள் தங்கள் தோள்களிலும், தலையிலும் தூக்கிச் சுமந்து முக்கிய வீதிகள் வழியாக பக்தி கோஷங்கள் முழங்க ஊா்வலமாக எடுத்துச் சென்றனா். அப்போது வழிநெடுகிலும் பக்தா்கள் திரண்டு பூஜை செய்து அம்மனை வழிபட்டனா்.

60 ஆண்டுகளுக்குப் பிறகு நடைபெறும் திருவிழா என்பதால் காட்டுப்புத்தூா் பகுதி முழுவதும் விழாக்கோலமாக காட்சியளித்தது.