திருச்சி-சென்னை இடையே விமானங்கள் திடீா் ரத்து! மாற்று விமானம் ஏற்பாடு!

திருச்சியில் இருந்து சென்னைக்கு திங்கள்கிழமை இரவு செல்லவிருந்த 2 விமானங்கள் தீடிரென ரத்து செய்யப்பட்டன. மாற்று ஏற்பாடு செய்யப்பட்ட விமானத்தில் பயணிகள் பயணித்தனா்.

திருச்சி பன்னாட்டு விமான நிலையத்தில் இருந்து சென்னைக்கு இண்டிகோ விமான நிறுவனம் சாா்பில் விமான சேவை வழங்கப்பட்டு வருகிறது. இந்நிலையில், திருச்சியில் இருந்து சென்னைக்கு திங்கள்கிழமை காலை 8.25, 9.45, 12.45, 7.05, 8.15 மற்றும் 10.10 மணிக்கு என 6 விமானங்கள் இயக்க திட்டமிட்டிருந்தன.

இதைனிடையே, திங்கள்கிழமை இரவு 7.05 மற்றும் 10.10 மணிக்கு இயக்கப்பட இருந்த 2 ஏடிஆா் வகை விமானங்கள் திடீரென ரத்து செய்யப்பட்டன. இந்த 2 விமானங்களும் நிா்வாகக் காரணங்களால் ரத்து செய்யப்பட்டுள்ளதகாவும், அதற்கு மாற்றாக இரவு 9 மணிக்கு ஏா் பஸ் வகை விமானம் 1 திருச்சி-சென்னை இடையே இயக்கப்படுகிறது என்றும் இண்டிகோ விமான நிறுவனம் சாா்பில் தெரிவிக்கப்பட்டுள்ளது.