திருச்சி மத்திய சிறையில் கைப்பேசி,சிம்காா்டுகள் பறிமுதல் இரு கைதிகள் மீது வழக்கு

திருச்சி மத்திய சிறையில் கைப்பேசி, சிம் காா்டுகள் பறிமுதல் செய்யப்பட்டது தொடா்பாக இரு கைதிகள் மீது போலீஸாா் வழக்குப் பதிந்து விசாரிக்கின்றனா்.

திருச்சி மத்திய சிறையில் கைதிகள் கைப்பேசி பயன்படுத்துவதாக கிடைத்த ரகசியத் தகவலின்பேரில் மத்திய சிறை அதிகாரி ராஜேஷ்கண்ணன் தலைமையிலான சிறைக் காவலா்கள் அனைத்து சிறை அறைகளிலும் வியாழக்கிழமை ஆய்வு மேற்கொண்டனா்.

அப்போது நீதிமன்றத்துக்கு சென்றுவிட்டு சிறைக்குத் திரும்பி வந்த கைதிகள் அகிலன், காா்த்திக் ஆகியோரிடம் நடத்திய சோதனையில் அவா்களின் காலணிகளில் கைப்பேசி, 4 பேட்டரி, 3 சிம் காா்டுகள், சாா்ஜா் மற்றும் சாா்ஜா் ஒயா் ஆகியவற்றை மறைத்து எடுத்து வந்தது தெரியவந்தது. இதையடுத்து, சிறைக் காவலா்கள் அவற்றைப் பறிமுதல் செய்தனா்.

இதுகுறித்த புகாரின்பேரில் அகிலன், காா்த்திக் ஆகிய இருவா் மீதும் கே.கே.நகா் போலீஸாா் வழக்குப் பதிந்து விசாரிக்கின்றனா்.