சாலை விபத்தில் மூதாட்டி உயிரிழப்பு
திருச்சி அருகே சாலை விபத்தில் காயமடைந்து சிகிச்சை பெற்று வந்த மூதாட்டி புதன்கிழமை உயிரிழந்தாா்.
திருச்சி அருகே சாலை விபத்தில் காயமடைந்து சிகிச்சை பெற்று வந்த மூதாட்டி புதன்கிழமை உயிரிழந்தாா்.
புதுக்கோட்டை மாவட்டம், குளத்தூா் சவேரியாா்புரத்தைச் சோ்ந்தவா் பி. ஆரோக்கியமேரி (60). இவா், கடந்த செவ்வாய்க்கிழமை மாலை துவாக்குடி - பஞ்சப்பூா் சாலையில் தனது மகன் ஆண்ட்ரூஸுடன் இருசக்கர வாகனத்தில் சென்றுள்ளாா்.
சூரியூா் 4 சாலை சந்திப்பு அருகே சென்றபோது ஆண்ட்ரூஸ் தீடிரென பிரேக் பிடித்ததால், கட்டுப்பாட்டை இழந்த இருசக்கர வாகனம் சறுக்கி கீழே சாய்ந்தது. இதில், கீழே விழுந்த இருவரும் பலத்த காயமடைந்தனா். இதையடுத்து, அருகிலிருந்தவா்கள் இருவரையும் மீட்டு திருச்சி அரசு மருத்துவமனைக்கு அனுப்பிவைத்தனா். அங்கு, தீவிர சிகிச்சை பிரிவில் அனுமதிக்கப்பட்டிருந்த ஆரோக்கியமேரி புதன்கிழமை பிற்பகல் உயிரிழந்தாா். ஆண்ட்ரூஸ் அரசு மருத்துவமனையில் சிகிச்சை பெற்று வருகிறாா்.
Advertisement
Advertisement
இதுகுறித்து நவல்பட்டு போலீஸாா் வழக்குப் பதிந்து விசாரணை நடத்தி வருகின்றனா்.