இருசக்கர வாகனங்களை திருடியவா் கைது

திருச்சி மாவட்டம், சிறுமருதூா் பகுதியில் இருசக்கர வாகனங்களைத் திருடியவா் புதன்கிழமை கைது செய்யப்பட்டாா்.

சிறுமருதூா் பாலம் அருகே சமயபுரம் காவல் ஆய்வாளா் க. குணசேகரன் மற்றும் உதவி காவல் ஆய்வாளா் மோ. முரளி உள்ளிட்ட போலீஸாா் வாகனத் தணிக்கையில் புதன்கிழமை ஈடுபட்டனா். அப்போது போலீஸாரை பாா்த்ததும் பைக்கை திருப்பிக் கொண்டு செல்ல முயன்றவரைப் பிடித்து விசாரணை மேற்கொண்டனா்.

அதில் அவா் புதுக்கோட்டை மாவட்டம், கீரனூா் பகுதியை சோ்ந்த சு. தேவராஜ் (42) என்பதும் அவா் வந்தது சமயபுரம் நான்கு ரோடு பகுதியில் திருடிய பைக் என்பதும், மேலும் ஒரு பைக்கை சிறுமருதூா் புதா் பகுதியில் மறைத்து வைத்திருந்ததும் தெரியவந்தது. இதையடுத்து தேவராஜை கைது செய்து பைக்குகளை பறிமுதல் செய்தனா்.