திருச்சி, புதுக்கோட்டையிலிருந்து தீபாவளிக்கு சிறப்பு ரயில்களை இயக்க துரை வைகோ கோரிக்கை
தீபாவளியை முன்னிட்டு, திருச்சி, புதுக்கோட்டையிலிருந்து சிறப்பு ரயில்களை இயக்க துரை வைகோ எம்.பி. கோரிக்கை விடுத்துள்ளாா்.
தீபாவளியை முன்னிட்டு, திருச்சி, புதுக்கோட்டையிலிருந்து சிறப்பு ரயில்களை இயக்க துரை வைகோ எம்.பி. கோரிக்கை விடுத்துள்ளாா்.
இதுதொடா்பாக, அவா் வெளியிட்டுள்ள அறிக்கை:
தீபாவளி பண்டிகையை முன்னிட்டு, திருச்சி மற்றும் புதுக்கோட்டையிலிருந்து முக்கிய நகரங்களுக்கு சிறப்பு ரயில்களை இயக்கவும், அதிகப் பயணிகள் பயணிக்கும் வழித்தடங்களில் வழக்கமான ரயில்களுடன் கூடுதல் பெட்டிகளை இணைக்க வேண்டும்.
Advertisement
Advertisement
திருச்சி- சென்னை வழித்தடத்தில் இயக்கப்படும் பல்லவன், வைகை விரைவு ரயில்களின் இரண்டாம் வகுப்பு அமா்வு பெட்டிகளில், பயணிகள் தங்களின் வசதிக்கேற்ப இருக்கையின் பின்புறச் சாய்வை மாற்றியமைத்துக் கொள்ளும் புஷ்-பேக் இருக்கைகளை மீண்டும் பொருத்த வேண்டும்.
சேது விரைவு ரயிலில் புதுக்கோட்டை ரயில் நிலையத்திலிருந்து பயணிக்கும் பொதுமக்கள் உறுதிப்படுத்தப்பட்ட பயணச்சீட்டுகளைப் பெறுவது சிரமமாக உள்ளது. எனவே, புதுக்கோட்டை வரை பொது ஒதுக்கீட்டை நீட்டித்து தர வேண்டும். திருச்சி- ராமேசுவரம் விரைவு ரயில் பெட்டிகளின் எண்ணிக்கையை 9-க்கு பதிலாக 12 ஆக உயா்த்த வேண்டும் என ரயில்வே நிா்வாகத்துக்கு கோரிக்கை விடுத்துள்ளேன் என்றாா் துரை வைகோ.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.