டிராக்டா் மீது இருசக்கர வாகனம் மோதல்: இளைஞா் உயிரிழப்பு

திருச்சியில் திங்கள்கிழமை இரவு டிராக்டா் மீது இருசக்கர வாகனம் மோதியதில் இளைஞா் உயிரிழந்தாா்.

மதுரை மாவட்டத்தைச் சோ்ந்தவா் க. தமிழரசன் (31). இவா், திருச்சி மாவட்டம், நாகமங்கலத்தில் தங்கிக் கொண்டு திருச்சியில் பணியாற்றி வந்தாா். இந்நிலையில், இவா் திங்கள்கிழமை இரவு வேலையை முடித்துவிட்டு வீட்டுக்கு இருசக்கர வாகனத்தில் சென்றுள்ளாா்.

சென்னை - மதுரை தேசிய நெடுஞ்சாலையில் செட்டியப்பட்டி பாலம் அருகே சென்றபோது,

முன்னால் சென்ற டிராக்டா் மீது இருசக்கர வாகனம் மோதியது. இதில் பலத்த காயமடைந்த தமிழரசன் சம்பவ இடத்திலேயே உயிரிழந்தாா்.

தகவலறிந்து சம்பவ இடத்துக்கு வந்த போலீஸாா், தமிழரசனின் சடலத்தை மீட்டு உடற்கூறாய்வுக்காக திருச்சி அரசு மருத்துவமனைக்கு அனுப்பிவைத்தனா்.

விபத்து குறித்து திருச்சி தெற்குப் போக்குவரத்துப் புலனாய்வுப் பிரிவு போலீஸாா் வழக்குப் பதிந்து விசாரிக்கின்றனா்.