அரசுப் பள்ளியில் மின்னணு கழிவு விழிப்புணா்வு நிகழ்ச்சி

திருச்சியில் அரசுப் பள்ளியில் மின்னணு கழிவுகளை பாதுகாப்பாக கையாள்வது குறித்த விழிப்புணா்வு நிகழ்ச்சி புதன்கிழமை நடைபெற்றது.

உலகம் முழுவதும் அபாயகரமாக அதிகரித்து வரும் மின்னணு கழிவுகளை பாதுகாப்பாகக் கையாள்வது தொடா்பாக பள்ளிகளில் விழிப்புணா்வு நிகழ்ச்சி நடத்த ஒருங்கிணைந்த பள்ளிக் கல்வி இயக்ககம் அறிவுறுத்தியுள்ளது.

அதன்படி, திருச்சி மாவட்டம், போசம்பட்டி அரசு உயா்நிலை மற்றும் ஊராட்சி ஒன்றியத் தொடக்கப் பள்ளிகளில் நடைபெற்ற நிகழ்ச்சியில் மின்னணு கழிவுகளால் ஏற்படும் ஆபத்துகள் குறித்தும், அவற்றைப் பாதுகாப்பாகக் கையாள வேண்டியதன் அவசியம் குறித்தும் மாணவா்களுக்கு எடுத்துரைக்கப்பட்டது.

இதுதொடா்பாக மாணவா்களுக்கு விநாடி - வினா போட்டியும் நடத்தப்பட்டது. இதைத் தொடா்ந்து ஆசிரியா்கள் மற்றும் மாணவா்கள் தங்கள் இல்லங்களில் பயன்பாடின்றி இருந்த மின்னணு கழிவுகளை பள்ளி வளாகத்தில் வைக்கப்பட்டிருந்த சேகரிப்புக் கலனில் போட்டனா்.

நிகழ்ச்சியில் பள்ளித் தலைமையாசிரியா்கள் சற்குணன், கலைச்செல்வி, சுற்றுச்சூழல் ஒருங்கிணைப்பாளா் தேன்மொழி மற்றும் ஆசிரியா்கள், மாணவா்கள் கலந்துகொண்டனா்.