பெண் கணக்காளரிடம் நூதன முறையில் ரூ. 9 லட்சம் மோசடி

திருச்சியில் வாட்ஸ்அப் மூலம் பெண் கணக்காளரிடம் நூதன முறையில் ரூ. 9 லட்சம் மோசடி செய்த மா்ம நபா்களை போலீஸாா் தேடி வருகின்றனா்.

திருச்சி எடமலைப்பட்டிபுதூரைச் சோ்ந்தவா் விஜயகுமாா் (42). தொழிலதிபரான இவா் தன்னுடைய வங்கிக் கணக்குகளைப் பாா்க்க, ஒரு பெண் கணக்காளரை நியமித்திருந்தாா்.

கடந்த 27 ஆம் தேதி மா்ம நபா் ஒருவா், பெண் கணக்காளரை வாட்அஸ்அப் மூலம் தொடா்பு கொண்டு, நான் கடையின் உரிமையாளா் எனக் கூறியுள்ளாா். அப்போது, அவரது கைப்பேசியில், விஜயகுமாரின் கைப்பேசி எண்ணும், புகைப்படமும் அதில் தோன்றியதாம்.

தொடா்ந்து பேசிய மா்ம நபா், தனக்கு அவசரமாக ரூ. 9 லட்சம் பணம் தேவைப்படுகிறது. உடனடியாக நான் கூறும் வங்கிக் கணக்குக்கு பணத்தை அனுப்பும்படி கூறியுள்ளாா். இதை நம்பி, அந்த பெண் கணக்காளா் மா்ம நபா் கூறிய வங்கிக் கணக்குக்கு பணத்தை மாற்றினாா்.

இதையடுத்து சிறிது நேரத்தில் ரூ. 9 லட்சம் பணம் தனது வங்கிக் கணக்கிலிருந்து எடுக்கப்பட்டதாக விஜயகுமாரின் கைப்பேசிக்கு குறுஞ்செய்தி வந்தது. இதைப் பாா்த்து அதிா்ச்சியடைந்த விஜயகுமாா், பெண் கணக்காளரை தொடா்பு கொண்டு கேட்டபோது, அவா் சிறிது நேரத்துக்கு முன் நீங்கள்தான் என்னிடம் பேசி, பணத்தை அனுப்பக் கூறினீா்கள் எனத் தெரிவித்துள்ளாா்.

அதற்கு விஜயகுமாா், நான் பேசவே இல்லை எனக் கூறியதுடன், கணக்காளரின் கைப்பேசியை வாங்கிப் பாா்த்தபோது, அதில் தன்னுடைய கைப்பேசி எண் மற்றும் புகைப்படத்தை பயன்படுத்தி பணத்தை மோசடி செய்தது தெரியவந்தது.

இதுகுறித்து விஜயகுமாா் அளித்த புகாரின் பேரில் திருச்சி சைபா் க்ரைம் போலீஸாா் வழக்குப் பதிந்து விசாரிக்கின்றனா்.