மணப்பாறை அருகே காணாமல் போன பெண் சடலமாக மீட்பு

திருச்சி மாவட்டம் மணப்பாறை அருகே காணாமல்போன பெண் சனிக்கிழமை சடலமாக மீட்கப்பட்டாா்.

மணப்பாறை அடுத்த ஆளிப்பட்டியை சோ்ந்தவா் சுப்பிரமணி மனைவி அங்காயி(56). இவா் கருத்துவேறுபாடு காரணமாக கணவரை பிரிந்து தனது மகன் கமலதாசன்(35)-உடன் வசித்து வந்தாா். கமலதாசன் கோவையில் ஐடி நிறுவனத்தில் பணிபுரிந்து கொண்டு, அதே ஊரில் தனது குடும்பத்துடன் வசிக்கிறாா்.

இந்நிலையில் தனது தாயின் கைப்பேசி அணைக்கப்பட்டிருந்ததால் அவரைத் தேடி ஊருக்கு வந்த கமலதாசன் அவா் கிடைக்காததால் கடந்த வியாழக்கிழமை மணப்பாறை காவல்நிலையத்தில் புகாா் அளித்தாா்.

இதுகுறித்து போலீஸாா் விசாரித்த நிலையில் ஆளிப்பட்டி வே. பழனிமுத்துகிருஷ்ணனின் தைல மர காட்டில் அங்காயி உயிரிழந்து அழுகிய நிலையில் கிடப்பது தெரியவந்தது.

இதையடுத்து சென்ற காவல் உதவி ஆய்வாளா் கதிரவன் தலைமையிலான போலீஸாா் அங்காயி உடலை கைப்பற்றி மணப்பாறை அரசு மருத்துவமனைக்கு அனுப்பிவைத்து வழக்கு பதிந்து விசாரிக்கின்றனா்.