7 கூட்டுறவு அங்காடிகளில் ரூ. 200-க்கு 10 மளிகைப் பொருள்கள்!

திருச்சி மாவட்டத்தில் 7 கூட்டுறவு அங்காடிகளில் 10 மளிகைப் பொருள்கள் அடங்கிய சிறப்பு தொகுப்பு ரூ. 200-க்கு விற்பனை செய்யப்படுகிறது.

இத்திட்டத்தை துறையூரில் உள்ள வேளாண்மை உற்பத்தியாளா்கள் கூட்டுறவுக் கடன் சங்கத்தில் தமிழக சட்டப்பேரவைத் துணைத் தலைவா் மு. ரவிசங்கா் தொடங்கிவைத்தாா். இதேபோல பெல் வளாகத்தில் உள்ள சிந்தாமணி கூட்டுறவு மொத்த விற்பனை பண்டக சாலையில் திருவெறும்பூா் எம்எல்ஏ நவல்பட்டு எஸ். விஜி தொடங்கிவைத்தாா்.

நிகழ்வுகளில் திருச்சி மண்டல இணைப்பதிவாளா் ஜெயராமன், அமராவதி மொத்த விற்பனை பண்டக சாலை மேலாண்மை இயக்குநா் தனலட்சுமி, திருச்சி சரக துணைப்பதிவாளா் முத்துச் செல்வி, முசிறி சாா் துணைப்பதிவாளா் குமாா், பொது விநியோகத் திட்ட துணைப்பதிவாளா் மாரிச்சாமி, செயலாட்சியா் அறிவழகன் உள்ளிட்டோா் பங்கேற்றனா்.