ஆளுநர் வருகை: ஆட்சியர் ஆலோசனை

ஆளுநர் வருகையை முன்னிட்டு, அவருக்கான பாதுகாப்பு ஏற்பாடுகள் குறித்து அதிகாரிகளுடன் ஆட்சியர் ஆலோசனை மேற்கொண்டார்.

தமிழக ஆளுநர் கே.ரோசய்யா செப்.27-ம் தேதி பண்ருட்டிக்கு வருகிறார். அங்கு இலவச காப்பீட்டு அட்டை வழங்கும் விழாவில் பங்கேற்கிறார். இதனை முன்னிட்டு, ஆளுநருக்கான பாதுகாப்பு ஏற்பாடுகள் தொடர்பான உயர்மட்ட அளவிலான ஆலோசனைக் கூட்டம் மாவட்ட ஆட்சியர் முகாம் அலுவலகத்தில் வெள்ளிக்கிழமை நடைபெற்றது.

கூட்டத்துக்கு ஆட்சியர் எஸ்.சுரேஷ்குமார் தலைமை வகித்தார். இதில் ஆளுநருக்கான பாதுகாப்பு ஏற்பாடுகள், பயணத்திட்டமிடல், விழா ஏற்பாடுகள் குறித்து ஆலோசிக்கப்பட்டு தேவையான நடவடிக்கைகள் எடுக்க ஆட்சியர் உத்தரவிட்டார்.

கூட்டத்தில் மாவட்ட வருவாய் அலுவலர் கோ.விஜயா, காவல்துறை கூடுதல் கண்காணிப்பாளர் ராமசாமி, கோட்டாட்சியர்கள் என்.உமாமகேஸ்வரி, செந்தில்குமார் மற்றும் மருத்துவம், வருவாய்துறை உள்ளிட்ட அனைத்துத்துறை அலுவலர்கள் பங்கேற்றனர்.