பெண் கல்வி விழிப்புணர்வு ஓவியக் கண்காட்சி

விருத்தாசலத்தை அடுத்த பெரியவடவாடி கிராமத்தில் உள்ள மருத்துவர் ச.ராமதாசு கலை மற்றும் அறிவியல் கல்லூரியில் பெண் கல்வி விழிப்புணர்வு குறித்த ஓவியக் கண்காட்சி வெள்ளிக்கிழமை நடைபெற்றது.

பெண் குழந்தைகளைக் காப்போம், பெண் குழந்தைகளுக்குக் கற்பிப்போம் எனும் தலைப்பில் நடைபெற்ற இக்கண்காட்சியில், பெண்களின் முக்கியத்துவம் குறித்த ஓவியங்கள் இடம் பெற்றிருந்தன.

நிகழ்ச்சியில், தமிழ்த் துறைத் தலைவர் கீதா வரவேற்றார். கல்லூரி இணை முதல்வர் முத்தழகன், துணை முதல்வர் பழனிவேல் ஆகியோர் முன்னிலை வகித்தனர். கல்லூரி முதல்வர் சுந்தரமூர்த்தி தலைமை வகித்தார். உடற்கல்வி இயக்குநர் அருள்ராசு, பேராசிரியர்கள், விரிவுரையாளர்கள் மற்றும் மாணவ, மாணவிகள் உள்பட பலர் கலந்துகொண்டனர்.