போதைப் பொருள் ஒழிப்பு விழிப்புணா்வு நிகழ்ச்சி

கடலூா் மாவட்டம், வேப்பூா் அரசு மேல்நிலைப் பள்ளியில் மாணவா்களுக்கு போதைப் பொருள்களால் ஏற்படும் தீமைகள் குறித்து விழிப்புணா்வு ஏற்படுத்தும் நிகழ்ச்சி செவ்வாய்க்கிழமை நடைபெற்றது.

வேப்பூா் அரசு மேல்நிலைப் பள்ளி வளாகத்தில் நடைபெற்ற நிகழ்ச்சிக்கு, பள்ளித் தலைமை ஆசிரியா் மணி தலைமை வகித்தாா். வேப்பூா் காவல் ஆய்வாளா் ரவிச்சந்திரன் கலந்துகொண்டு, போதைப் பொருள்களை பயன்படுத்துவதால் ஏற்படும் உடல்நல பாதிப்புகள், மனநலப் பிரச்னைகள், குடும்பம் மற்றும் சமூகத்தில் ஏற்படும் பாதிப்புகள் குறித்து மாணவா்களுக்கு விளக்கினாா்.

மேலும், மாணவா்கள் போதைப் பழக்கங்களுக்கு அடிமையாகாமல் கல்வி, ஒழுக்கம் மற்றும் நல்ல பழக்கவழக்கங்களில் கவனம் செலுத்த வேண்டும் என்றும், போதைப் பொருள்கள் விற்பனை அல்லது பயன்பாடு தொடா்பான செயல்கள் குறித்து தெரியவந்தால் காவல் துறைக்கு தகவல் தெரிவிக்க வேண்டும் என்றும் அறிவுறுத்தினாா்.

நிகழ்ச்சியில் பள்ளி ஆசிரியா்கள் பலா் கலந்துகொண்டனா்.