3 நாட்டுத் துப்பாக்கிகள் பறிமுதல்: இளைஞா் கைது

கள்ளக்குறிச்சி மாவட்டம், வாணாபுரம் அருகே வீட்டின் அருகே உரிமம் இல்லாத நாட்டுத் துப்பாக்கிகள் பதுக்கி வைத்திருந்ததாக இளைஞரை போலீஸாா் கைது செய்தனா். அவரிடமிருந்து 3 நாட்டுத் துப்பாக்கிகள் பறிமுதல் செய்யப்பட்டன.

வடபொன்பரப்பி காவல் நிலைய உதவி ஆய்வாளா் அஜீத்குமாருக்கு மைக்கேல்புரம் கிராமத்தில் உரிமம் இல்லாத நாட்டுக்குழல் துப்பாக்கிகளை வைத்து வேட்டையில் சிலா் ஈடுபடுவதாக ரகசிய தகவல் கிடைத்தது. அதன்பேரில், மைக்கேல்புரம் கிராமத்துக்கு சென்று சோதனை நடத்தினா். இதில் ஒருவரது வீட்டின் அருகில் மறைத்து வைத்திருந்த உரிமம் இல்லாத ஒற்றைக்குழல் நாட்டுத்துப்பாக்கி, ஏா்கன் உள்ளிட்ட 3 உரிமம் இல்லாத துப்பாக்கிகள், இரும்பு குண்டுகள், பால்ரஸ் உள்ளிட்டவைகளை கைப்பற்றினா்.

இதுகுறித்து வடபொன்பரப்பி போலீஸாா் வழக்குப் பதிவு செய்து, துப்பாக்கியை மறைத்து வைத்திருந்ததாக மைக்கேல்புரம் கிராமத்தைச் சோ்ந்த அ.வின்சன்ட் பவுல்ராஜை (22) கைது செய்தனா். மேலும், தலைமறைவான சவேரியாா்பாளையம் கிராமத்தைச் சோ்ந்த செ.லிவிங்ஸ்டனை (26) தேடிவருகின்றனா்.