லாட்டரி விற்பனை: 2 பேர் கைது

புதுச்சேரியில் லாட்டரி சீட்டு விற்பனை செய்ததாக 2 பேரை போலீஸார் சனிக்கிழமை கைது செய்தனர்.
 புதுச்சேரி அரியாங்குப்பம் மார்க்கெட் பகுதியில் தடை செய்யப்பட்ட லாட்டரி சீட்டுகள் விற்பனை செய்யப்படுவதாக போலீஸாருக்கு தகவல் கிடைத்தது. இதையடுத்து, சிறப்பு அதிரடிப் படை ஆய்வாளர் கார்த்திகேயன் உத்தரவின் பேரில், காவல் உதவி ஆய்வாளர்கள் ரமேஷ், சந்தோஷ், இளங்கோ ஆகியோர் மார்க்கெட் பகுதிக்குச் சென்று சோதனை செய்தனர்.
 அப்போது அங்குள்ள ஒரு கடையில் லாட்டரி சீட்டுகள் விற்பது தெரிய வந்தது. இதையடுத்து, அங்கிருந்தவர்களைப் பிடித்து விசாரணை நடத்தினர். இதில், சோலை குடியிருப்புப் பகுதியைச் சேர்ந்த ஆதிலிங்கம் ( 55), ஆனந்தா நகரைச் சேர்ந்த சூர்யமூர்த்தி (48) என்பது தெரிய வந்தது. அவர்கள் 2 பேரையும் கைது செய்த போலீஸார், லாட்டரி சீட்டுகள் மற்றும் ரூ. ஒரு லட்சத்து 25 ஆயிரத்து 80 ரொக்கம், 6 செல்லிடப்பேசிகளையும் பறிமுதல் செய்தனர்.
 இதுகுறித்து அரியாங்குப்பம் போலீஸார் வழக்குப் பதிவு செய்து விசாரித்து வருகின்றனர்.