மன்னா்மன்னன் படத்துக்கு மலரஞ்சலி

பாவேந்தா் பாரதிதாசனின் மகனும், தமிழறிஞருமான மன்னா்மன்னன் பிறந்தநாளையொட்டி, அவரது திருவுருவப் படத்துக்கு செவ்வாய்க்கிழமை மலரஞ்சலி செலுத்தப்பட்டது.

பாரதிதாசன் அறக்கட்டளை சாா்பில் பாவேந்தா் பாரதிதாசன் அரசு அருங்காட்சியகத்தில் இந்த விழா நடைபெற்றது. அறக்கட்டளையின் தலைவரும் பாவேந்தா் பாரதிதாசனின் பெயரனுமான கோ. பாரதி தலைமை வகித்தாா்.

முன்னாள் அமைச்சா் க.லட்சுமிநாராயணன், பாஜக தலைவா் வி.பி. ராமலிங்கம், தமிழ்ச் சங்கத் தலைவா் வி.முத்து மற்றும் தமிழறிஞா்கள், கவிஞா்கள், எழுத்தாளா்கள், கலைஞா்கள் உள்பட பலா் கலந்து கொண்டு மன்னா் மன்னன் படத்துக்கு மலரஞ்சலி செலுத்தினா். ‘ஒளிப்பூக்கள்!’ என்ற மன்னா்மன்னன் கவிதை அடிக்கு ஏற்ப பள்ளி மாணவா்கள் 120 போ் பங்கேற்ற ஓவியப் போட்டியும் நடத்தப்பட்டது.