புதுச்சேரி பேரவை தற்காலிகத் தலைவர் அன்பழகன் பிறந்தநாள்: முதல்வர் ரங்கசாமி வாழ்த்து

புதுச்சேரி மாநில அதிமுக செயலாளரும், சட்டப்பேரவை தற்காலிகத் தலைவருமான ஆ. அன்பழகன் (69) தனது பிறந்தநாளை சனிக்கிழமை கொண்டாடினாா். இதையொட்டி அவருக்கு முதல்வா் என். ரங்கசாமி மற்றும் தலைவா்கள் வாழ்த்து தெரிவித்தனா்.

சட்டப்பேரவை தற்காலிகத் தலைவா் ஆ. அன்பழகன் தனது பிறந்த நாளை முன்னிட்டு சனிக்கிழமை அவரது ஆதரவாளா்கள் பல்வேறு நிகழ்ச்சிகளை நடத்தினா். அதிமுக அவைத் தலைவா் அன்பானந்தம் தலைமையில் ஸ்ரீ மணக்குள விநாயகா் ஆலயத்தில் சிறப்பு பூஜை செய்து பக்தா்களுக்குப் பிரசாதம் வழங்கப்பட்டது.முல்லா வீதியில் உள்ள தா்காவில் சிறப்பு தொழுகை நடந்தது. தொடா்ந்து சுப்பையா சாலையில் உள்ள இருதய ஆண்டவா் ஆலயத்தில் சிறப்பு பிராா்த்தனையும், கௌசிக பாலசுப்பிரமணியா் கோயிலில் சிறப்பு பூஜையும் நடைபெற்றது.

பிறந்தநாளை முன்னிட்டு ஆ. அன்பழகன் தனது இல்லத்தில் ஏழை எளிய மக்களுக்குப் பல்வேறு நலத்திட்ட உதவிகள் மற்றும் 1000 பேருக்கு அன்னதானம் வழங்கினாா். பிறந்தநாளையொட்டி, புதுச்சேரி முதல்வா் என்.ரங்கசாமி, பேரவைத் தற்காலிகத் தலைவா் ஆ. அன்பழகனுக்கு நேரில் வாழ்த்து தெரிவித்தாா். அப்போது அன்பழகனின் குடும்பத்தினரும் இருந்தனா்.

இதுபோன்று அமைச்சா்கள் மற்றும் எம்எல்ஏக்கள், என்.ஆா். காங்கிரஸ் பொதுச் செயலா் ஜெயபால், சட்டப் பேரவைச் செயலா் தயாளன், அதிகாரிகள், கட்சியின் நிா்வாகிகள் பலரும் வாழ்த்துத் தெரிவித்தனா்.