புதுச்சேரி அரசு மருத்துவக் கல்லூரியில் எம்பிபிஎஸ் இடங்கள் 200-ஆக உயா்த்தப்படும்: முதல்வா் ரங்கசாமி அறிவிப்பு

புதுச்சேரி இந்திரா காந்தி அரசு மருத்துவக் கல்லூரியில் எம்பிபிஎஸ் இடங்கள் 200-ஆக உயா்த்தப்படும் என்று முதல்வா் என்.ரங்கசாமி அறிவித்தாா்.

இந்தக் கல்லூரியில் எம்பிபிஎஸ் முதலாம் ஆண்டு வகுப்புகள் தொடக்க விழா வெள்ளிக்கிழமை நடைபெற்றது. இதில் பங்கேற்ற முதல்வா் ரங்கசாமி மாணவ-மாணவிகளுக்கான சோ்க்கை படிவத்தை வழங்கிப் பேசியது:

மருத்துவா்கள் அதிகளவில் வரவேண்டும் என்பதற்காக மத்திய அரசு நிறைய அனுமதிகளை வழங்கி வருகிறது. ஒவ்வொரு கல்லூரியிலும் 250 எம்பிபிஎஸ் இடங்களுக்கு அனுமதி கொடுக்கிறாா்கள். புதுச்சேரி அரசு மருத்துவ கல்லூரியிலும் அடுத்த ஆண்டு முதல் 200 இடங்கள் நிரப்பப்படும் என்றாா்.