விலையில்லா மடிக்கணினி வழங்கல்

திருக்கோவிலூர் அருகே அரகண்டநல்லூர் அரசு மேல்நிலைப் பள்ளியில் மாணவர்களுக்கு விலையில்லா மடிக்கணினி வழங்கும் விழா வெள்ளிக்கிழமை நடைபெற்றது.

 பெற்றோர் ஆசிரியர் கழகத் தலைவர் டி.ராஜேந்திரன் தலைமை வகித்தார். தொடக்க வேளாண்மைக் கூட்டுறவு வங்கித் தலைவர் ஆர்.பாலு, பேரூராட்சித் துணைத் தலைவர் பி.ராஜ், பெற்றோர் ஆசிரியர் கழகப் பொருளர் டி.பன்னாலால் ஜெயின் முன்னிலை வகித்தனர். பள்ளித் தலைமை ஆசிரியர் கே.தனவேல் வரவேற்றார்.

 சிறப்பு விருந்தினராகப் பங்கேற்ற பேரூராட்சித் தலைவர் ஏ.ஆர்.வாசிம்ராஜா 122 மாணவ, மாணவிகளுக்கு அரசின் விலையில்லா மடிக்கணினிகளை வழங்கிப் பேசினார். உதவித் தலைமை ஆசிரியர் சு.ஜனசக்தி நன்றி கூறினார்.