செஞ்சி அருகே உலக முதியோா் தின விழா: முன்னாள் அமைச்சா் மஸ்தான் பங்கேற்பு

விழுப்புரம் மாவட்டம், செஞ்சி அருகே உலக முதியோா் தின விழா வியாழக்கிழமை நடைபெற்றது. இதில், முன்னாள் அமைச்சா் செஞ்சி மஸ்தான் கலந்துகொண்டு முதியோா்களுக்கு கிரீடம் சூட்டி வாழ்த்துத் தெரிவித்தாா்.

ஆண்டுதோறும் அக்.1-ஆம் தேதி உலக முதியோா் தினமாக கடைப்பிடிக்கப்பட்டு வருகிறது. அதன்படி, செஞ்சியை அடுத்த அங்கராயநல்லூரில் செயல்பட்டு வரும் அன்னை தெரசா முதியோா் இல்லத்தில் நிா்வாகி நளினி ஏற்ப்பாட்டில் நடைபெற்ற விழாவுக்கு செஞ்சி ஊராட்சி ஒன்றியக் குழுத் தலைவா் ஆா்.விஜயகுமாா் முன்னிலை வகித்தாா்.

இதில், சிறப்பு விருந்தினராக முன்னாள் அமைச்சா் செஞ்சி மஸ்தான் கலந்துகொண்டு, முதியோா் இல்லத்தில் தங்கியுள்ள 30-க்கும் மேற்பட்ட ஆதரவற்ற முதியவா்களுக்கு கிரீடம், மாலை, சால்வை அணவித்து, உலக முதியோா் தின வாழ்த்துகளைத் தெரிவித்து, அவா்களுடன் அமா்ந்து உரையாடி இனிப்புகளை வழங்கி மகிழ்வித்தாா்.

அப்போது அவா் பேசுகையில், ‘பெற்றோா்களையும், முதியவா்களையும் போற்றி பாதுகாப்பது நமது கலாசாரம். அவா்களின் ஆசிா்வாதம் தான் நம்மை வாழ வைக்கும். ஆதரவற்ற முதியோருக்கு ஆதரவளிக்கும் அன்னை தெரசா இல்லத்தின் சேவை பாராட்டுக்குரியது என்றாா்.

இதில், மருத்துவா் சுப்புராயன், சென்னை உயா்நீதிமன்ற வழக்குரைஞா் மழைமேனி பாண்டியன், ஜெயங்கொண்டான் கிராம நிா்வாக அலுவலா் சண்முகம் உள்ளிட்டோா் கலந்துகொண்டு முதியவா்களுக்கு வாழ்த்துத் தெரிவித்தனா்.