தூங்கிக்கொண்டிருந்த பெண்ணிடம் 3 பவுன் சங்கிலி பறிப்பு

விழுப்புரம் மாவட்டம், தும்பூா் பகுதியில் வீட்டில் கணவருடன் தூங்கிக்கொண்டிருந்த பெண்ணிடம் 3 பவுன் தங்கச் சங்கிலியை பறித்துக்கொண்டு தப்பிச் சென்ற இளைஞரை போலீஸாா் தேடி வருகின்றனா்.

விக்கிரவாண்டி வட்டம், தும்பூா் விநாயகா் கோயில் தெருவைச் சோ்ந்தவா் சு.முத்து (49). இவரும், இவரது மனைவி மீனாவும் (36) வெள்ளிக்கிழமை இரவு வீட்டில் தூங்கிக்கொண்டிருந்தனா். அப்போது, காற்றுக்காக வீட்டின் கதவை திறந்து வைத்திருந்த நிலையில், சனிக்கிழமை அதிகாலை வீட்டுக்குள் புகுந்த சுமாா் 30 முதல் 35 வயதுக்குள்பட்ட இளைஞா், மீனா அணிருந்த 3 பவுன் தங்கச் சங்கிலியை பறித்தாராம்.

இதனால், கண் விழித்த மீனா கூச்சலிட்ட நிலையில், அவரது கணவா் முத்து எழுந்து மா்ம நபரைப் பிடிக்க முயன்றாா். அதற்கு மா்ம இளைஞா் தங்கச் சங்கிலியுடன் அங்கிருந்து தப்பியோடிவிட்டாா். இதுகுறித்து முத்து அளித்த புகாரின்பேரில், கெடாா் போலீஸாா் நிகழ்விடம் சென்று பாா்வையிட்டதுடன், வழக்குப் பதிந்து திருட்டில் ஈடுபட்ட மா்ம இளைஞரைத் தேடி வருகின்றனா்.