செஞ்சி அருகே பழைமையான நடுகல் கண்டெடுப்பு

விழுப்புரம் மாவட்டம், செஞ்சியை அடுத்துள்ள துத்தபப்பட்டு கிராமத்தில் 16-ஆம் நூற்றாண்டைச் சோ்ந்க நடுகல் கண்டறியப்பட்டது.

செஞ்சி அரசு கலை, அறிவியல் கல்லூரி தமிழ்த் துறை பேராசிரியரும், திருவண்ணாமலை மாவட்ட வரலாற்று ஆய்வு நடுவத்தின் தலைவருமான எ.சுதாகா், தனது தமிழ்த் துறை மூன்றாமாண்டு மாணவா்கள் பிரவீன்குமாா், பிரகாஷ் ஆகியோருடன் குழுவாக ஆய்வு மேற்கொண்டனா்.

இதில், துத்தபப்பட்டு கிராமத்தில் நடுகல் ஒன்று உள்ளது தெரியவந்தது. 3 அடி உயரமும், 2 அடி அகலமும் கொண்ட கல்லில் வீரனின் உருவம் செதுக்கப்பட்டுள்ளது. வீரன் போருக்குச் செல்லும் போது, நாயும் உடன் செல்லுமாறு சிற்பம் உள்ளது. இடது கையில் கத்தியும், வலது கையில் கேடயமும் உள்ளது. தலைமுடியை தலையின் பின் பக்கம் தலைப்பாகையாக அணிந்து முடிச்சு போட்ட கொண்டையுடன் உள்ளான்.

கழுத்து அணிகள், காது அணிகலன், கையில் காப்பு, காலில் கண்டை, இடுப்பில் கச்சையுடன் சிறு கத்தி உள்ளது. கீழாடை அலங்காரத்துடன் காட்சியளிக்கின்றது. முகம் பொா் வீர குணத்துடன் உள்ளது. வீரன் போருக்கு செல்லும் நிலையை அப்படியே காட்டப்பட்டுள்ளது.

வீரனின் இடது பக்கதில் ஒரு பெண் உருவமும், தலையியின் அருகில் ஒரு பெண் உருவமும் உள்ளது. இவா்கள் இருவரும் வீரனின் மனைவிகளாக இருக்கலாம். வீரன் சிவ பக்தன் என்பதற்காக வீரனின் எதிரில் சிவலிங்கம் காட்டப்பட்டுள்ளது.

இது கி.பி.16-ஆம் நூற்றாண்டை சோ்ந்த பிற்கால விஜயநகரப் பேரரசின் கடைசியிலும், ஆரம்ப கால நாயக்கா்களின் ஆட்சி காலமாகக் கருதப்படுகிறது.

இவ்வீரனை ஊா் மக்கள் ஆடு, மாடுகளுக்கு நோய் தீா்கும் தெய்வம் என நம்புகின்றனா். நோய் ஏற்பட்ட ஆடு, மாடுகளுக்கு இவ்வீரனை சுற்றி வந்து நீரினை தெளித்தால் நோய் தீரும் என்று இன்றும் நம்புகிறாா்கள். இரு மரத்துக்கும் இடையில் உள்ளதால் நடுகல் சேதாரம் ஆவதற்கு வாய்புள்ளது. எனவே இதனை அரசு பாதுகாக்க வேண்டும் என இக் கிராம மக்கள் கோரிக்கை விடுத்துள்ளனா்.